2013/07/18

MAHASTIAK ETA TXAKOLINA (I)

Herriko artxiboak ez digu ezer esaten herrian mahatsik landatzen ote zen ala ez. Ez zen agian leku aproposena izango. Gurean sagardoak izan du ospea. Dena dela, aspaldi honetan modan dago txakolina, izan ere garai batetik hona asko hobetu den produktua izateaz gain, gero eta hobeto egokitzen da itsas gertuko lurraldetatik kanpo baita urruneko lurretan ere. 

Hala, Arrasate edo Oñatira joan besterik ez dago konturatzeko txakolinerako mahatsondoek ze ospe hartu duten azken urteetan.



 MAHATSONDOA ETA "UPAINGOA" UPAITEGI BERRIA OÑATIN


 Antzuolan ere badago mahatsondo edo lur sail txiki bat txakolina egiteko. Bera, Isidro Zabaletak, Ugartetorrekoak, landatutakoa da duela 15 bat urte. Beraz, Antzuolan ere Ugartetorren egindako txakolina dastatzeko aukera dago.

Hala ere,ikusi beharra dago aurten nola datorren, udaberrian hotz eta hainbeste euri egin eta gero. Ekainean 2an azpian ateratako argazkietan ikusten da behintzat, alea motel zetorrela.
UGARTETORREKO MAHASTI SAILA SAN JOSE 
INGURUAN DAGO

Sarritan, egunez, hamar bat minituro-edo, entzun dugu herrian PUM! bezalako eztanda batMahatsa zaintzeko Isidrok erabiltzen duen gasez hornitutako tramankulua da. Txoriak uxatzeko ez omen dago sistema hobeagorik.

Argazkian tramankulua  mahastian kamuflatuta 


Hala ere, lau bat hilabete beranduago berriro bueltatu ginen mahatsondora, eta orduan antzeman genuen "Hondarribi-zuri" eta "Moskatel" izeneko mahatsak heltzen hasita zeudela, eta berandu izan baino lehen mahats bilketa ere hasiko zela. 

Mahats bilketaren inguruan kezka genuenez, mahatsondo honen jabea den Isidro Zabaletarengana jo genuen. Interesa bikoitza zen. Alde batetik, jakin nahi genuen nola bururatu zitzaion mahats sail hau landatu eta txakolina egiten hastea. Baina ez hori bakarrik, baizik eta nola egiten zuen txakolina ere jakin nahi genuelako. Baina hau blog honen beste atal batean adieraziko dugu. Momentuz,  urriaren 12an ateratako azpiko argazkien bitartez, mahatsondo honetan dauden mahats aleekin disfrutatu.

"HONDARRIBI ZURI" MAHATS ALEAK
ALE BATZUK ATERA EZINDA UDABERRIAN IZANDAKO EGURALDI HOTZ ETA HEZETASUNAGATIK
"MOSCATEL" MAHATS ALEAK
 MAHATS BELTZA ALE BATZUK ERE BADAUDE


(JARRAITU PROZESUA BLOGAREN
"MAHASTIAK ETA TXAKOLINA (II)" Atalean)

No hay comentarios:

Publicar un comentario