2013/07/22

OLARANGO INDARRETXEKO UR SISTEMA

Beste atalen batean ere esan dugu herritik pasatuko den autobiak/autopistak herriko paisaia aldatuko duela dezente asko. Aldaketa horretan batzuk ez dute bizirik mantentzeko aukerarik izango, batik bat gure kultura ondarearekin loturiko hainbat elementuk. Euretako batekin nator orain: Olarango lantokira zeraman indarretxerako ur biltegiaren desagerpena.

 1970ko argazki honetan ikus daiteke Olarango "makiñetxe"a (izarak aurrean), Lazaretoa aurrean duela. Bertara jausten zen Mendibileko ur-deposituko ura.
 Oso sistema konplexua zen bera. Mendibilen zegoen ur deposituak bi ingurutik hartzen zituen urak: alde batetik, Basalde errekatik zetorrena, eta bestea Iraindik, Urkilutik.

Basaldetik, Zuntzoerreka eta Jaikoiturriko urak hartzen ziren Iñurrigarrogarai inguruan, 375 metrora, eta hemendik lau kilometrotako ibilbidea hasten zuen 350 metrora zegoen Mendibil ur deposituraino.Inguruko errekatxo guztietatik hartzen zuen ura kanalizazio horrek, eta Olamendi gainetik, Ipurtikako urak hartuz, Zorroztarrietatik, Altzeta azpitik iristen zen depositura.
 "URA ANTZUOLAN" liburutik
 
Olarango "makiñetxe"ko alternadorea (1985. urteko argazkia)

Bigarren ur etorrera, Arrandai eta Urkilluko (Antzintzardi errekako) urak ziren. Eta Loieta baserri azpitik pasatzen zen kanalak zeraman ura deposituraino.
Hemendik burdinazko tutu baten bidez Antiguan zegoen indarretxeraino joaten zen ura (gaur Kalbarioko gurutzeak daude). Eta bertan zegoen etxeko turbinaren bitartez argindarra egiten zen Olarango lantokirako. 


ONDARREN ZEGOEN OLARAN LANTOKIA

MENDIBIL EREMUAN ZEGOEN UR DEPOSITUA, DAGOENEKO DESAGERTUTA
UR DEPOSITUAN UR ERABILERA ERREGULATZEKO ZEGOEN ARKETA SISTEMA
















UR DEPOSITUAN ZEGOEN ARNASKETARAKO SISTEMA

UR KANALIZAZIOA. ORAINDIK ZENBAIT EREMUTAN URA ZERAMAN KANALIZAZIOA IKUS DAITEKE
URA ERREGULATZEKO SISTEMA

GAUR EGUN ERE(UZTAILA-22) HAUTEMAN DAITEKE UR BILTEGITIK ATERATZEN ZEN TUTUA 

No hay comentarios:

Publicar un comentario