2013/07/30

SAGARDOA/UPAITEGIA

Sagardoa modan dagoen edaria da. Gaur, sagardotegietara joan beharrik ez dago sagardo ona edateko, edozein tabernatan daukazu sagardoa edateko aukera, baita dendetan erosteko ere.

Azken urteetan baina,  bezero asko irabazi ditu sagardoak, bere elaborazioan asko ikertu delako. Antzerako fenomenoa gertatu da txakolinarekin.


Behekoerrota edo Igeribarrorrota
1939an, Gerra Zibila bukatu zeneko urtean, "Fábrica de Sidras" ekoizpena jarri zuten bertan.


DOLARE MEKANIKOA

Sagardogintza eta dolarea bat eginda datoz. Izan ere, gure baserrietan ohiko edaria zen sagardoa, eta guztietan egiten zen, horretarako dolare izeneko tramankulu desberdinak erabiliz.   

Gaur dauzkagunak nahiko mekanikoak baldin badira ere, garai batean prozesua oso artesanala zen, eta baserriari atxikita zegoen egurrezko dolareak ziren ezagunenak. Antzuolan, arrastoak baserri ugarietan egon badaitezke ere, Sarralde baserrikoa aipatu daiteke, dagoeneko ezagutzen duguna "blog" honetan Sarralderi eskaini diogulako unetxo bat. 

Baina, esandakoa, hauek XIX. mendearen erdiraino-edo iraun zuten, hortik aurrera argazkietan ikusten ditugunak jarri ziren modan.

LASKURAINANDIKO DOLARE MEKANIKOA (PATXI LETE)

Udazkenean (urrian) hasten da sagardogintzaren prozesua, sagarra batuz. Ondoren, dolarean sartu eta bertan ateratzen den muztioak gordetzen dira kupeletan eta hilabete batzuen ondoren irakinaldi desberdinak jasaten ditu botiletan sartu baino lehen.


 


Era honetako dolareak ere egon ziren Antzuolako baserrietan.





Prozesu guzti horren emaitza baserrietako upaitegian (iputeixa) gertatzen zen. Oso inguru itxia eta freskoa, leihatilatxo bat besterik ez duena, sagardoak bere hartziduran botatzen duen gasak kanporatu ahal izateko. Hemendik, berriz, botiletara.

AMILLETA BASERRIKO UPAITEGIA/IPUTEIXA

Informazio gehiago:

 http://www.ahotsak.com/antzuola/pasarteak/ant-008-012/

No hay comentarios:

Publicar un comentario